Ivana i Milija Čabarkapa, kroz svoj vlog "Živi avanturu - Attraction Montenegro", danas nam prikazuju ljepote rijeke Morače, kao i manastir Vranjina.

"Rijeka Morača je duga 113 kilometara i dijeli se u dva toka, planinski na sjeveru kroz kanjon Platije i ravničarski od Podgorice kroz zetsku ravnicu do ušća u Skadarsko jezero. Tri kilometra prije samog ušća u jezero, Morača se dijeli u dva velika rukavca istočno i zapadno od brda Vranjina, stvarajuću deltu široku malo više od tri kilometra. Zbog veoma male visinske razlike cijele ravnice u odnosu na jezero, čitav ovaj region je zimi plavan, a ljeti se pretvara u polu močvarnu zaravan sa svim svojim bojama i ljepotama", pišu u svom vlogu.

Navode da je turistički potencijal ovog mjesta veliki.

"Rijeka je puna ribe i ovo je mjesto gdje se sve više otvaraju restorani koji u svojoj ponudi imaju ribu upecanu toga dana, a takav ukus se ne može opisati, to morate sami da probati", pišu Ivana i Milija Čabarkapa.