Jedan od najprijatnijih osjećaja je kada se ujutro budite gladni. Šta slijedi? Moguće su različite reakcije. Možda jurišate prema kuhinji u potrazi za brzim obrokom koji će odmah zadovoljiti vašu glad. Ili, pak, nastavljate s jutarnjim ritualima, odlažući fokus na doručak.

A zatim dolazi trenutak odabira: gdje otići na obrok koji će vam pružiti zadovoljstvo i umiriti stomak.Ako je treća opcija vaš izbor, pozivamo vas da nastavite s čitanjem. Zamislite mjesto koje ne samo da vas očarava svojim ambijentom, već i nudi obrok koji je prava uživancija za oči i nepce. Mjesto koje nije samo restoran, već pravo iskustvo za sva čula.

Za one s razvijenim estetskim čulom, koji cijene ugodan ambijent i savršeno prezentovane obroke, Brigitte bar hotela Ramada Podgorica je upravo ono što tražite. Ovdje se brinemo da svaka porcija bude pravo malo umjetničko djelo.

Frutarijanci će uživati u tanjiru sezonskog voća, pripremljenom s pažnjom, a vegani će biti oduševljeni pažljivo izbalansiranim namirnicama koje pružaju savršen početak dana. Naša zdrava ovsena kaša, pripremljena na biljnom mlijeku i obogaćena orašastim plodovima, suvim i svježim voćem, lagana je, ali dovoljna da vas zasiti i napuni energijom.

Za poslovne ljude i sve one koji vode aktivan život, tu je savršen proteinski doručak – bjelanca, tikvica, čia sjemenke i guacamole, uz domaći hljeb. Ovaj obrok neće samo zadovoljiti vašu glad, već će vam pružiti energiju za cijeli dan, čineći vas budnim i sitim mnogo duže. Za ljubitelje tradicionalnih ukusa, tu je i ham and eggs, poznati engleski doručak, savršen za početak dana jer pruža obilje energije i čini sitim.

Iako su sastojci ključni, priprema i prezentacija doručka su ono što čini razliku. Jutro je vrijeme za lagani ulazak u dan, a svaki detalj je važan. Naš tim kuvara, uz vrhunski kreativni pristup, od jednostavnih sastojaka stvara prava mala čuda. Kada se boje, ukusi, arome i oblici povežu u jednu harmoniju, vaš doručak postaje pravo umjetničko djelo, kojem ćete se radovati prvo očima, a zatim uživati u svakom zalogaju. Taj poznati "mmmm" zvuk zadovoljstva neizostavan je dio svakog obroka.

Sve to, uz uslugu koja je uvijek na najvišem nivou – profesionalnu, ljubaznu, uz osmijeh. Možete li zamisliti bolji početak dana?
Brigitte bar hotela Ramada Podgorica – pravo mjesto za početak dana. Posjetite nas i osjetite razliku!