Kako zamaskirati izrasli gel na noktima pitanje je koje okupira mnoge dame koje vole uredne nokte i redovno idu kod manikira. Postoje načini da svoje nokte brzo dovedete u red.

Izrastao gel na noktima ne djeluje nimalo lijepo, zato i ne čudi što nas toliko interesuje kako se to može popraviti, tačnije zamsakirati bez odlaska kod manikirke. I tako uštedjeti novac. Dobra vijest je da se čak i zastarjeli manikir može spasiti pomoću trikova koje ćemo predstaviti u nastavku.

Ulja za zanoktice

Redovna hidratacija noktiju i okolne kože uljem pomoći će da manikir bude svjež i vizuelno uredniji. Ulje omekšava obraslu kutikulu, omogućavajući joj da se lagano pomjeri unazad. Treba ga nanositi nekoliko puta dnevno, naročito nakon pranja ruku ili posuđa i prije spavanja. Najbolje je da držite ulje u obliku štapića u svojoj torbi kako biste ga mogli nanositi po potrebi i kad noiste kod kuće.

Maske za ruke

Maske za ruke takođe imaju efekat omekšavanja. Možete ih pripremiti sami ili kupiti. Na primjer, napravite masku za ruke sa maslinovim uljem i medom. Nanesite masku na ruke i ostavite 15-20 minuta, a zatim dobro isperite. Maske koje se kupuju u apotekama i drogerijama izgledaju kao rukavice; u njima morate držati ruke otprilike isto vrijeme.

Vosak za zanoktice

Koristite poseban vosak za zanoktice. Njegov efekat će biti najuočljiviji ako počnete da redovno koristite proizvod nakon manikira – vaše ruke će ostati njegovane mnogo duže. Otopljena tekstura voska će pomoći da se sakriju čupave zanoktice, kao i da omekša i ojača nokatnu ploču. Proizvod se može koristiti nakon kreme za ruke, jer vosak “zaključava” vlagu. Čak i prilično izrastao gel na noktima izgledaće urednije ako je kutikula navlažena.

Obrnuti frenč

Ako je gel lak previše izrastao i prethodni savjeti više ne mogu da zamaskiraju izrasli dio, pozovite u pomoć lak u kontrastnoj boji. Nalakirajte dio između gela i korjena nokta i dobićete obrnuti frenč. Nakon što se lak osuši, ne zaboravite da nanesete na kožu ulje za zanoktice ili kremu za ruke.