Pokušajte da odmah stavite tačku na loše navike koje većina nas ponavlja skoro svakog jutra, jer nimalo ne prijaju koži. I ako nastavimo da ih ponavljamo, mogu izazvati akne, mitisere, komedone… Male promjene u jutarnjoj rutini njege kože mogu napraviti veliku razliku i drastično poboljšati stanje kože.

Najčešće greške u jutarnjoj rutini koje nimalo ne prijaju koži:

Ne čistite kožu nakon spavanja

Tone literature su napisane o tome da ne možete da odete u krevet a da ne skinete šminku. Ali se malo govori o tome da ispiranje lica toplom vodom ujutru nije dovoljno. Svašta se nakupi na površini kože tokom noći. Pošto je ovo organ koji funkcioniše neprekidno 24 sata, jutarnje mokro čišćenje mu neće naškoditi. Bolje je koristiti pjenu ili druge proizvode lagane teksture, a za veče ostaviti ulja za čišćenje, tonike, kreme i balzame za čišćenje.

Koristite piling ujutru

Piling je neophodan i treba ga koristiti periodično – 1 do 2 puta nedeljno (ili čak rjeđe)  u zavisnosti od vrste pilinga i tipa kože. Ali piling ne bi trebalo raditi ujutru već uveče. Naime, neki kozmetičari smatraju da su proizvodi koje treba nanositi nakon pilinga pogodniji za večernju nego za jutarnju rutinu.

Tuširate se pretoplom vodom

Ako se tuširate odmah nakon buđenja, to treba da bude što hladnijom vodom (ali ne mora biti hladna). Najbolje je kontrastno tuširanje (naizmjenično tuširanje toplom, pa hladnom vodom), jer se na taj način okrepljuje cijelo tijelo i ubrzava cirkulacija.

Ovdje značajnu ulogu igra gel za tuširanje, i to ne njegova svojstva čišćenja, već aroma koju širi. Čulo mirisa igra veoma važnu ulogu u emotivnom životu: note pomorandže, limuna, mandarine, smokve, verbene, svježeg začinskog bilja i nane stvoriće pravo raspoloženje za cijeli dan i pomoći će vam da se potpuno razbudite.