Teško je biti oduševljen lijepim vremenom kad vas svrbe oči, curi vam nos i neprestano kijate, odnosno patite od simptoma povezanih s alergijama, takođe poznatim kao alergijski rinitis.

Antihistaminici, koji se koriste kao lijek za olakšanje alergije, nisu baš najbolje rješenje. Bolji izbor je ova snažna hrana koja pojačava imunitet i pomaže vam da se riješite alergije na prirodan način.

Da biste olakšali simptome sezonskih alergija treba redovno da konzumirate hranu koja ima prirodno antihistaminsko i protivupalno dejstvo, piše centarzdravlja.hr.

Ovo su namirnice koje odlikuju baš te karakteristike:

Luk – prirodni antihistaminik, bogat kvercetinom, flavonoidom koji ima snažno antioksidativno dejstvo. Kvercetin blokira proizvodnju i oslobađanje histamina, procesa uključenih u alergijski odgovor tijela, kao i inhibiranje drugih alergijskih i upalnih procesa. Drugi dobri izvori kvercetina su: jabuke, crveno vino, kapar, crna zova, korijander, crni i zeleni čaj, agrumi, banane i paprike.

Kefir – ovaj fermentisani mliječni proizvod sadrži probiotike, za koje se pokazalo da smanjuju smanjenu upalu nosnih puteva, liječe sezonske alergije i pojačavaju odgovor imuniteta. Ostali izvori probiotika su jogurt i prirodno obrađeni kiseli kupus.

Pomorandže – bogate su vitaminom C, koji djeluje kao prirodni antihistaminik, ali i kvercetinom, a kombinovanje kvercetina i vitamina C povećava histamin i smanjuje upale. Drugi izvori vitamina C su: citrusi, paprike, brokoli, jagode, papaja i mango.

Med – osim već poznatih protivupalnih svojstava, med može da smanji alergiju ako se uzme na samom početku sezone. Ljudi koji pate od alergija na polen imaju 60 odsto manje simptoma, a alergije im traju 70 odsto kraće ako redovno konzumiraju domaći, nefiltrirani med.

Kurkuma – ona sadrži kurkumin, protivupalno jedinjenje koje sprječava otpuštanje histamina i smanjuje oksidacijski stres i alergijski odgovor. Kurkumin povećava i protok vazduha u nosu i podstiče imunološki odgovor kod ljudi s alergijama. U kombinaciji s masnoćom i crnim biberom povećava se apsorpcija kurkumina.